كنت خايف ماتجنيش
وتسيبيني لوحدي اعيش
قسوة الانتظار
وفي مغيب الشمس شفتك
جايا تجري من بعيد
وسمعت شوقي بيناديكي
قربي ياأملي الوحيد
حسيت ساعتها ان اليوم ده عيد
والفرحه رقصت جوا قلبي
واتولد جوايا شوق ماينتهيش
وكنت خايف ماتجنيش
...........................
كنت خايف ماتجنيش
وتسيبيني لوحدي اعيش
قسوة الانتظار
واما شفتك جايا تجري
وخطوتك بخطوتين
زادت غلاوتك
جوا قلبي حبتين
قربي ياعمري سلمي
واحضني فيا الحنين
عيشيني في أحلى لحظه
دوبيني في أحلى همسه
وارسميلي أحلى دنيا
وامسحي الدمع الحزين
واكتبي إسمي وإسمك
وارسمي قلبي وقلبك
ع الجبين
......................
شعر غنائي
رمضان الخربوطلي
ليست هناك تعليقات:
إرسال تعليق