يافقر
وكنت باقول أهى دقنى .................إذا يافقر تلحقنى
كبرت صبحت تسبقنى ...........وخليتنى من المساكين
أنا موظف انا افندى ...................ومتوفر كتير عندى
ماتفرقشى حاجات من دى .....أنا مش زى ناس تانيين
أفوت فى قلب ميت زحمه ......وكان قلبى ملان رحمه
أجيب لفقير كيلو اللحمه ...........وأديله كمان قرشين
لاأسعار يوم بتأذينى ...............ماهيتى كات تكفينى
وبزياده وترضينى ............يقولوا الفقر اقول ده فين
جيوبى بجد مستوره ............ودارى بخيرها معموره
أحل ايتها فزوره ......................بالراحه وعقل رزين
ودلوقتى رابط بطنى ................ألاقى مين يشحتنى
ياعز ليه بقى نسيتنى ؟.................وخليتنى أمد أدين
وصبر الحر له ساعه ..............بلاش تتغروا بالطاعه
حقيقى بجد ياجماعه ........حالتنا بجد صبحت طين
نشوف الفاكهه ماندوقها ..........ولادنا ليها زاد شوقها
وبيبصوا لناس فوقها ........عشان طبعا من الواصلين
وانا ماعرفش أوصل كيف .....ولا عمرى عرفت الزيف
مشيت فى الدنيا زى السيف .....وعمرى ماكنت انا بوشين
يافقر ف حينا لابد ............لاسيبت لاعاصى ولا عابد
وكل الشعب بيكابد .............يجيب اللقمه بس منين
أحمد عبد الوهاب ( ابن بيرم )
رئيس نادى أدب القلج .....قليوبيه
فى ٣٩\٦\٢٠١٧ الثالثه والثلث ص
ليست هناك تعليقات:
إرسال تعليق