قصيده بعنوان....... لما مال الحمل
لما مال الحمل مني
واتنسا عمرى وزمانى
قلت ادور ايه فضلى
صحيت لقتنى شخص تانى
لسه حلمى جوه مني
لسه غرقان ف الامانى
بس كله راح وسابنى
واللى صونته ياناس رمانى
كله قال يالا نفسى
واتنصب ليا المزاد
ولا عدش ينفع ليا ابدا
وسطهم غير البعاد
قلوب بتفرح لما تجرح
وقلوب بتبكى ب الساعات
وشوفنا ياما كتير قاسيه
وكنا نرضا من سكات
يبقى ايه تانى باقيلنا
غير شويه ذكرايات
حرام عليكى يادنيا فيكى
شبعنا ياما كدب وغش
ياما ناس زى الحبايب
ومن ورانا ب الف وش
كنت باقى ع الموده
وعمرى منهم ما اشتكتش
كنت ماشى بحسن نيه
وهما ليهم الف وش
كنت بمسح دموع عنيهم
كنت ليهم طبيب وعش
وكان ما بنا ذكرايات
لسه عايشه ما اتنستش
ومهما كان بكره يدوقوا
دى الحكايه ما انتهتش
كلمات....... الشاعر محمد ثروت عبدالحفيظ
ليست هناك تعليقات:
إرسال تعليق