الميزان خسر
انا خليقة ربي
ماشرقي ماغربي
الحب ف قلبي
ويدي ماتضربني
مال هادا ماقراش
وهاداك حرار ومحلاش
هاداك اتحگر ومابكاش
وهادا سمع ومرضاش
الغضب هاج
نوض العجاج
تهرس العاج
والكلام عواج
ماتسمع غير گراف
وتزيد گرگلاف
شنو الاختلاف
التخراف والاحتراف
ودياب بالنيبان
دايره ولادها شيفان
على بيوت القضبان
والزريبة خرفان
الميزان خسر
وبنادم اعسر
الدبانة ولات نسر
والحسراف ماعرف سر
السلام ف قرآني
السلم ف لساني
المساواة ف كياني
والقناعة ف ايماني
علاش انا المضيوم
علاش انا المعلوم
علاش انا المجحوم
علاش انا المهموم
علاش انا المشؤوم
علاش انا المصدوم
علاش انا المتهوم
علاش انا المسموم
علاش انا المعدوم
وانا مول المشموم
ماشرقي ماغربي
عطية سيدي ربي
هو سماني العربي
وهما گالوا ارهابي
بقلم ادريس جبيلو
المغرب
ليست هناك تعليقات:
إرسال تعليق