من بعد شهر و نص غياب
من غير ما توضح أسباب
لا قاليتلى وداع
و لا رزعت بإديها الباب
عملتلى حبيبتى
أحلى بلوك
كأنى إيموشن بيسليها
فى لحظة إتباع
ضاعت كل خصائص لإسترجاع
هربت . و لا سابت خيط
و لا سابت link
كأن اللى ما بينى و بينها
حتة سلك
و لا عملت لوعودنا حساب
و لا طريق للحظر يفك
مش ده فراق الأحباب
أتعامل و كأنى guest
او ترمينى فى black list
كأنى قابلتها ع البال توك
عمرى ما كنت فى لحظة اتصور
انها ممكن يوم تتهور
و تسيبنى و تعملى shock
او تحذفنى م الفيس بوك
حتى الشات و الكومينتات
كأنها فص ملح وداب
مش دا فراق الأحباب
دلوقتى اللى ما بينا بعاد
شوفى مصلحتك
عيشى براحتك ع ال whatsapp
و إعملى poke لواحد تانى
و إقبلى حتى مليون add
غيرى صورة الcover المحزن
و إكتبى غمة و راحت بعد ما كانت
كل حياتى was so bad
و هشيل القلبين و السهم
و هقلب بروفايلى حريقة
و هكتب فوق صورتى حداد
و بوست ادعولى فى كل دقيقة
بعد ما كنتى كل حياتى
فاكرك جنبى سواء
محتاج او مش محتاج
بعمل mention
و يشهد كل صحابى عليكى
انى عملت لقلبك tag
و كل كلامى مقصود ليكى
كاتب تحته مغرم بيكى
و راجعى كلامى فى الهاش تاج
مش مستوعب اللى حصل
كل حياتى هتبقى ملل
و ارجع تانى واحد بيعك
بعد ما تبت
بعد ما قولت
لسه الدنيا فيها أمل
وأفتح تانى my notebook
و كأنى معمولى عمل
و الصدمة الكبرى انى كنت
بحب فى واحد اسمه حسن
غير إسمه
و كاتب ana aslan banota asal
#اشعار_تامر_محمد
ليست هناك تعليقات:
إرسال تعليق