حنيتك زايده..
باخاف عليك من رقتك......... ...حنيتك زايده
ونصحت ليك طب خفها ...لكن مافيش فايده
حنيتك زايده
الرقه يانبع الغرام.... ماهيش حرام .......طبعا ومطلوبه
لكن عيون أهل الهوى ..مالهاش دوا ...فى الشك والريبه
ممكن بقى يتصوروا .......................إن لبعيد سكتك
باخاف عليك من رقتك ..حنيتك زايده
إحنا ياروحى ف زمن...مش مؤتمن....وكتير قوى بنسمع
يكفينا من شر الأذى ......وياحبذا .....تبقاش لهم مطمع
أصل الخصال اتغيرت ................لكن ما جت ناحيتك
باخاف عليك من رقتك...حنيتك زايده
خليها بيننا لوحدنا.......يعيش حبنا .......وقلوبنا تتهنى
ويزيد كمان قربنا ....يادى المنى ....لو نبقى فى الجنه
نرسم طريقنا لبكرا .................بخطوتى مع خطوتك
باخاف عليك من رقتك ...حنيتك زايده
أحمد عبد الوهاب ( ابن بيرم )
رئيس نادى أدب القلج ...قليوبيه
فى ١٥\٧\٢٠١٧ الواحده الا عشر دقائق
ليست هناك تعليقات:
إرسال تعليق