بالراحه يا حكومه
بالراحه يا حكومه
طلعتوا ديك إللى جابونا
القمح المسرطن استوردتولنا
لحمة الحمير أكلتونا
الهدوم خلعتونا
علي ال.... الكراسي قعدتونا
الشحاتة هتعلونا
وسط العالم جرستونا
بالراحه يا حكومه
بالراحه يا حكومه شويه
شويه عليكم وعلينا شويه
بلاش شغل العافيجيه
الغلبان محتاج الحنيه
كله ييجي شويه شويه
وبلاش شغل الشاويه
أما صحيح شوية.....يه
بالراحه يا حكومه
بالراحه علينا أتهرينا
مفيش حاجه لينا كله علينا
من ثورتين عدينا
وقلنا من الظلم عدينا
وللعدل الزمن عدي بينا
طلعتوا ديك أهالينا
بالراحه علينا يا حكومه
بالراحه هدوا اللعب شويه
بلاش شغل العبوديه
قراراتكم علينا قرارات ألاهيه
رجعتونا للدوله العثمانيه
للبيك والباشا وأحنا الجناينيه
فلاح خسيس نفذ أوامرنا
الأوامر ملكيه
بالراحه علينا يا حكومه
بالراحه يا أسيادنا هدتونا
من العيشه بكرامه حرمتونا
طلعتوا ديك إللى جابونا
غلا وفقر وتعليم وصحه
حيرتونا
دستوا علي أرقاب إللى
جابونا
بالراحه علينا يا حكومه
كلمات إندرو فرج
2/7/2017
ليست هناك تعليقات:
إرسال تعليق