. حواري مع الكروان
بقلمي ---- أسامة سالم
------------------------------------------------
قالت أنا الكروان
في كل صباح أشدو أناجيك
وأنا ضحكة حلوة بكل سكة تندهك
وأنا خطوة وحضن والقلب اللي بينبضك
وأنا الشهقة والنفس والطير اللي بيصدحك
قلتلها يا كروان
أنا اللي جواي غُنًا دا أنا مش أنا
دا أنا بعض منك يا أنا
عايش مع الأماني
بين البحر والموج وسط المواني
وعبد عاشق بيتمني نتلاقي يا غالي
وأسكن في خلد المؤمنين
وأصلي في كعبتي جوه العينين
أنا ألف آه يا كروان وإحساس دفين
أنا شهقة قوية ما بين ضلوعك
ودقة الساعة اللي في إيديك
دقة تضبط الإحساس منبه للحنين
ونقطة من ريقك ما بين الشفتين
دا العشق عن قناعة والحب مذهبي والدين
كنت أشوف الغمزة اللي في خدودك والنغزتين
أجري وأحضن بالحنين الشفتين
ودموعي نازلة من العينين
دي الروح من غرامك يا كروان بتستعر
كنت بحلم أتأسر من هواك وانصهر
قالت كروان
عيونك ياعمري لحروفي قاموس
والقلب من عشقك ياما بات مهووس
ضحكتي ودموعي الآن بترقص بإنبساط
والمشاعر في إنتظار
بتقولي لملمي خيوط النهار
ويلا نطير علي بساط الحلم طير
ونستنشق من هوانا كل العبير اللي انتشر
قلتلها يا كروان
كيف وأنا قد وزعتك بدمائي في عروقي كالزكاه
زي طفل بتبوسيه بكل حته موزعة
والقلب مؤمن بالقدر وبالكتاب
إشتكي من صبره السحاب
ونزل المطر من العيون وانسكب
قالت كروان
إحساسي بيك دايما برئ رقراق
وضي شموعي بتنصهر تنور لك طريق
ساكنه القمر وبليلك مستحيل عنك تغيب
وفي كل صبح بشربك مع كل فنجان بالحليب
شوقي مرض وأنت دوائي والطبيب
يا زهور بجنتي مفروشة طِيِبْ
بتمتمك وقت الصلاة عند المقام
بلهفة ورعشة وتنهيدة سلام
ما انت الربيع والنشوة والأنغام
قلتلها يا كروان
نفسي علي صدرك الناهد أنام
وعيوني لعيونك تبعتلك سلام
يا عيون بتسكرني بخمر المدام
رموشك زي سيف بيدبح مهجتي
لو كتبتك قصيدة ما راح تنتهي
ما انا دايما بشتهيكي ؟!
وفي صحوي ومنامي كم أنادي
نفسي أدندن فوق ملامحك لحن صوفي
ليه نلجم الكلمة اللي بتخرج من حروفي ؟!
أبياتي دايما بتضحكلك في ذهول
حاولت تقول عنك ولو شئ قليل
أصابها فشل وقالت دي سلسبيل
وكيف أهديها أشعار من عسل
بعد أن وصفوها بكل أبيات الغزل
قلبي خلاص رايح يتوه جوه النهار
كتمت حبك لقيته جوايا إعصار
زلزلني بقوة كالبخار
روحي ممزوجة ببركان مشاعر
فاض وزاد وانفجر ولا ألف شاعر
قصايد الغزل مش قادرة ترسملك صور
سأقول لكل من أراد يوصفك
جوب الطريق من أوله
يا كروان إفتحي لي باب قلبك
رد الكروان وقال
مذ رأت عيناك عيني مستحيل عنك أقفله ؟!
ليست هناك تعليقات:
إرسال تعليق