مش هكتب
مش هكتب تاني في السياسه
وهعيش الحياه بكل خلاصه
هكتب عن الحب والحساسه
هحب وأتحب وأبطل تياسه
هعيش الدنيا بالطول والعرض
هحب ربي بالطول والعرض
بطلت أتكلم في السياسه
أتهجر وأضطهد بيتي يتنهب
أولع أموت وأنا بصلي برده
مش هكتب ولا ألوم الساسه
هأسهر أحب في المحبوبه
وأشعر فيها بكل كلمة عزوبه
مش هسيبها تنام مغضوبه
ولا أخليها علي أمرها مغلوبه
هربي عيالي وأفرح بيهم
ولا في يوم هجني عليهم
مش هكتب تاني في السياسه
موضوع أنتهي وكله خلاصه
الدنيا جميلة وحبيتها
كفايه فرقة الغربه جنيتها
الدنيا حلوه في لذتها
هجني حلاها وأسيب
مرارتها
بطلت أكتب في السياسه
أتغربت وأتعذبت ياما
ومش هحمل نفسي الملاما
مش هكتب تاني في السياسه
ماله الحب والغرام والحساسه
يا هناه إللى عايش مريح رأسه
حتي لو فلاح يبقي همه فاسه
بطلت أكتب في السياسه
كلمات إندرو فرج
5/7/2017
ليست هناك تعليقات:
إرسال تعليق