شعر وطنى بعنوان ( مصر عروسه )
مصر يا لابسه خلخالك الفضى
نيلك جدايل يتمايل على شطى
موكب عروسه بتروح على بيتها
عريسها شارى وادى شبكيتها
حلف ليكى يا حلوه ليتحدى
اى واحد باقدامه يوم يدوسك
دى روحه ليكى زى وردك البلدى
بيزرع فيكى جناينك ويتمشى
ارضك الفيروز ملونها بالخضره
نسيمك عطر بيضلل على شمسك
دا ابنك مهرك يا جميله متقولى
دا عمرى هو جنتى واحلامى
ولو يحاول حد يلمسه مره
لادوس عليه وارجعه لاحضانى
هو اللى ساندنى وقت هذيانى
هو اللى يغنى دى احلى اوطانى
يا ريت الدنيا تسمعه بيقولها
مصر الجميله سكتى وعنوانى
**********************
بقلمى // شيماء خليفه
ليست هناك تعليقات:
إرسال تعليق