ياخسارة
يا خسارة تعب الليالي...
والخوف والسهر...
مرت الأيام وفاتت...
قست القلوب وماتت...
والأم لسه يا بنى...
لساها بتنتظر...
عينيها على الشباك ...
يا وليدها تستتناك...
العين تبكى يا ولدى...
والقلب بيتعصر....
يا خسارة
نسيت عذابها والأنين...
راح فين تعبها والسنين...
حبك لغيرها يا بنى...
النهارده بينحصر...
يا خسارة
يا خسارة تعب الليالي...
دا حرام حبك يا غالى...
كنت هواها يا بنى...
ودواها والنظر...
يا خسارة
ربناوصاك عليها...
وحياة لمسة أيديها...
ف نهارها ولياليها...
ودعائها ف السحر...
يا خسارة
بكرة تندم يا غالى...
وتبكى طول الليالي...
تناديها مش هتلاقيها...
ويسبق القدر...
يا خسارة
قسيت قلبك عليها...
ولا يوم بتشوف عينيها...
وبدل ما أنت تراعيها...
قلبها انكسر...
يا خسارة
تبكى ليلها وتنوح...
من ربك فين تروح...
يوم يسألك عليها...
ومش هتقدر تعتذر...
يا خسارة
،،،،،،،،،،،،،،،،،،،،،،،،،،،،،،،،،،،،،،،،،،،
تمت بحمد الله
مع تحياتي /
مجدي عزت
ليست هناك تعليقات:
إرسال تعليق